बलीउड अभिनेत्री श्रद्धा कपुरले आफू कसैको हाफ गर्लफ्रेन्ड रहेको खुलासा गरेकी छन् । ३० वर्षीय अभिनेत्री कपुरले फिल्म ‘हाफ गर्लफ्रेन्ड’ को प्रचारको क्रममा यस्तो खुलासा गरेकी हुन् । उनले भनिन्, 'मैले पनि कुनै समय कसैलाई चाहेको थिएँ, प्रेम गरेको थिएँ तर वचन दिएकी थिइनँ ।' तर, आफू कसको हाफ गर्लफ्रेन्ड थिएँ भन्नेबारे श्रद्धाले खुलाउन चाहिनन् ।
युवतीले कसैलाई चाहनु, प्रेम गर्नु तर प्रेमबारे वचन नदिन नै उनी हाफ गर्लफ्रेन्ड भएको प्रकाश पारिन् । उनले थपिन्, 'यस्तो प्रेमले दुःखी बनाउँछ र सम्बन्ध अधुरो रहन्छ ।' श्रद्धा र अर्जुन कपुरले अभिनय गरेको फिल्म 'हाफ गर्लफ्रेन्ड' १९ मेमा रिलिज हुँदैछ ।
