.jpg)
जेष्ठ १९ गतेबाट देशव्यापी रिलिज हुन लागेको फिल्म 'जालो' को विषयमा प्राय धेरै कुराहरु तपाईहरुलाई थाहा नै छ । नेपालमा मात्र होइन विश्वमा नै पहिलो पटक वान सटमा खिचिएको फिल्म हो 'जालो' र 'जालो रिर्टन्स' । 'जालो' को सिक्वेलको भने अहिलेसम्म रिलिज डेट लक भैसकेको छैन ।
केही महिनादेखी 'जालो' र 'जालो रिर्टन्स' वान सटमा खिचिएको खबर बाहिरिएपछि दर्शकहरुमा उत्सुकता थियो कि कसरी खिचियो होला त वान सटमा दुई फिल्म ? फिल्मको निर्माणपक्षले दर्शकहरुको उत्सुकतालाई दुई फिल्म खिच्दाको दुखलाई एक भिडियोमार्फत देखाएको छ । एउटा घरमा एक दर्जन भन्दा बढी कलाकार तथा प्राविधिकको साथमा खिचिएको यो फिल्मले गिनिज बुकमा नाम लेखाउने तयारी पनि गरेको छ ।
अराज केवश गिरीको लेखन तथा निर्देशन रहेको फिल्म ‘जालो’ मा नीर शाह, अनुपविक्रम शाही, निराजन प्रधान, मेनुका प्रधान, रेमनदास श्रेष्ठ, मुना गौचन, लक्ष्मी गिरी लगायत कलाकारहरुको अभिनय रहेको । अराज र मोहित मुनालको संयुक्त लगानीमा ‘जालो रिटर्न्स’ समेत निर्माण भैसकेको छ ।
