.jpg)
'जेरी', 'होस्टेल', 'गाजलु' लगायतका हिट फिल्म निर्देशन गरिसकेका निर्देशक हेमराज बिसी निर्देशित फिल्म 'ग्याङ्गस्टर ब्लूज' को टीजर रिलिज भएको छ । टीजरमा डेब्यू नायक आशिरमान देशराज जोशी, अभिनेत्री आना शर्मासँगै संयम पुरी र रोजिशा शाही ठकुरी फिचरिङ छन् । फिल्मको नाम जस्तै टीजर ग्यङ्गस्टर छ ।
'ग्याङ्गस्टर ब्लूज' बाट नेपाली रजतपटमा भित्रिएका आशिरमान देशराजको एक्सन अवतार टीजरमा विशेष देख्न सकिन्छ भने नायिका आनासँग उनको रोमान्स पनि हेर्न पाइन्छ । अभिनेत्री रोजिशा भने आना र आशिरमानको प्रेममा भिलेन अवतारमा प्रस्तुत भएको टीजरले छनक दिन्छ ।
सरोज न्यौपानेले निर्माण गरेको यो फिल्मको नेपालगंजबाट सम्पुर्ण छायांकन सकिएको थियो । भदौ २ लाई प्रदर्शन मिति तय गरेको फिल्मलाई शैलेन्द्र डि कार्कीले खिचेका हुन् । 'ग्याङ्गस्टर ब्लूज' मा कालिप्रसाद बाँस्कोटाको संगीत छ ।
