२८ अप्रिलबाट विश्वभर एकसाथ प्रदर्शनमा आएको दक्षिण भारतीय फिल्म 'बाहुबली २' ले पहिलो हप्तामा ७ सय करोडमाथीको विजनेश गरेको छ । २७० करोडमा निर्माण भएको यो फिल्मले रिलिज अगावै ५०० करोड खल्तीमा हालिसकेको छ । कुरा क्रिटिक्सको गर्ने हो भने फिल्म र स्टारकास्ट प्रभास, अनुष्का शेट्टी, राणा दग्गूबती, र तमन्नाको अभिनयलाई निकै रुचाइएको छ ।
तर, यो उत्कृष्ट परफर्मेंसका लागि स्टारकास्टले कति पारिश्रमिक लिएका थिए होला ? यो सायद तपाईहरु पनि जान्न इच्छुक हुनुहुन्छ होला । हालैमा एक भारतीय अनलाइनले यसको खुलासा गरेको छ । वेबसाइटको खबरलाई आधार मान्ने हो भने फिल्मका लागि 'बाहुबली' उर्फ प्रभासले २५ करोड भारतीय रुपैयाँ लिएका थिए ।
त्यस्तै, राणा दग्गूबती उर्फ 'भल्लालदेव' ले १५ करोड, अनुष्का शेट्टी उर्फ 'देवसेना' ले ५ करोड, तमन्ना भाटिया उर्फ 'अवन्तिका' ले ५ करोड, राम्या कृष्णन उर्फ 'शिवगामी' ले २.५ करोड र सत्यराज उर्फ 'कटप्पा' ले २.५ करोड पारिश्रमिक लिएका थिए ।