२८ अप्रिलमा रिलिज भएको 'बाहुबली २ : द कन्क्लूजन' ले विकेन्ड कमाईको मामलामा सबै फिल्मलाई पछारेको छ । सोर्सेजका अनुसार, 'बाहुबली' ले इन्डियामा पहिलो ३ दिनमा ३३५ करोडको विजनेश गरेको छ । त्यस्तै, ट्रेड एनालिस्ट गिरीश जौहरका अनुसार, फिल्मले ३ दिनमा विश्वभरबाट ५२० करोडको व्यापार गर्न सफल भएको छ । फिल्मले फर्स्ट डे कलेक्शनमै सबै फिल्मलाई पछारेको थियो ।
पहिलो दिन फिल्मले १२१ करोडको विजनेश गरेको थियो । २७० करोडमा निर्माण भएको 'बाहुबली २' रिलिज अगावै प्रोफिटमा थियो किनकी यसले थिएट्रिकल राइट्स बेचेर नै ५०० करोड खल्तीमा हालिसकेको छ ।
ट्रेड एनालिस्ट रमेश बालाले ट्वीट गर्दै लेखेका छन् कि एस. एस. राजामौलीको डायरेक्शनमा बनेको 'बाहुबली २' को हिन्दी भर्जनले बक्स अफिसमा विकेन्डमा ८० करोडको विजनेश गरेको छ । यो फिल्म इन्डियामा ६५०० स्क्रिन्समा रिलिज भएको छ । जबकि वर्ल्डवाइड यसको कुल स्क्रिन्स ९ हजार छ ।