बलीउड तथा तेलुगु फिल्मकी चर्चित अभिनेत्री काजल अग्रवाल एक होटलमा बिस्कुट बनाउँदै गरेको अवस्थामा भेटिएकी छिन् । थ्रिलर फिल्म ‘विजय ६१’ को सुटिङमा व्यस्त रहेकी अभिनेत्री काजल अहिले साउथ स्टार विजयको ६१ औं फिल्ममा काम गर्दैछिन् । फिल्मको सुटिङ पश्चात मिलेको फ्रि समयमा उनले चकलेट र कुकीज बनाएको तश्वीर सामाजिक सञ्जालमा अहिले भाइरल बनिरहेको छ ।
काजल अग्रवाल पछिल्ला दिनहरुमा बलीउडमा देखिएकी छैनन् । पछिल्लो पटक उनलाई सन् २०१६ मा आएको फिल्म 'दो लफ्जोकी कहानी' मा देखिएको थियो । सन् २०१३ मा आएको फिल्म 'स्पेशल २६' र सन् २०११ मा आएको फिल्म 'सिघंम' जस्ता सफल बलीउड फिल्म दिदाँ दिदै पनि उनको बलीउडमा भने करिअर माथि लागेको छैन् ।
