सलमान खान र यूलिया वन्तूर प्रेम सम्बन्धमा रहेको कुरा सबैलाई थाहा छ । यतिसम्मकी उनीहरुको विवाहको खबर समेत बाहिर आइसकेको छ । केही बर्षदेखी एकअर्कालाई डेट गरिरहेका सलमान र यूलियाको सम्बन्ध अहिले भने खासै राम्रो नभएको भारतीय मिडियाहरुले बताएका छन् ।
हालैमा सलमान खानको यूलियासँग झगडा भएको खबर बाहिर आएको छ । झगडाको कारण सलमानको 'ब्याङग टूर' बताइएको छ । रिपोर्टका अनुसार, यूलिया 'द दबंग टूर' मा गीत गाउन चाहन्थिन् । तर, सलमानले यस्तो गर्न दिएनन् । यसैलाई लिएर यी दुईको बीच ठूलै बहस भएको थियो र टूर सुरु हुनुभन्दा केही दिन पहिला नै यूलिया सलमानसँग बोल्न समेत छाडेकी छिन् । अहिले यूलिया सलमानदेखी निकै अपसेट छिन् ।
टूरमा सलमानसँग उनकी आमा सुशीला चरक (सलमा), बहिनी अर्पिता खान र ज्वाई आयुष शर्मा छन् । उनीहरुका अलवा बिपाशा बसु, डेजी शाह र मनीष पोलसहित दर्जनौं कलाकारहरु पनि सलमानको साथमा छन् ।