जेष्ठ १९ गतेलाई रिलिज डेट लक गरिएको पल शाह स्टारर मूभी 'जोनी जेन्टलम्यान' को दोस्रो गीत रिलिज भएको छ । 'क्याटवाक' बोलको गीतमा नायक पल र निलम चन्द फिचरिङ छन् । पलको गीतमा रोमान्टिक र एक्सन अन्दाज देख्न सकिन्छ भने निलमको बोल्ड लुक्स हेर्न पाइन्छ । स्वचित शाक्यको गीतमा शब्द, संगीत र स्वर रहेको छ । भिडियोमा केशव थापा र सरिता राजचलको कोरियोग्राफी छ ।
नितिन चन्दको निर्देशनमा तयार भएको यो फिल्ममा पल शाह र आँचल शर्माको मुख्य भूमिका छ । एन्ड्रियु पौडेलको निर्माण रहेको फिल्ममा जोनीको भूमिकामा रहेका पललाई निर्देशक नितिनले एंग्री योङ म्यानका रूपमा देखाउन खोजेका छन् ।
