लामो समय देखि घाँटीमा मासु पलाएर थलिएका नेपाली फिल्मका कलाकार दिपक क्षेत्रीलाई अहिले देश विदेशबाट उपचारको लागि आर्थीक सहयोग जुटिरहेको छ ।
यसै क्रममा चलचित्र 'राज्जा रानी' को टिमले रु २ लाख ११ हजार रकम सहयोग गरेको छ । चलचित्रका निर्माता एम.के. पौडेल, निर्देशक यम थापा, नायिका केकी अधिकारी, कलाकार नाजिर हुसेनले सो रकम उनकै डेरामा पुगेर हस्तान्तरण गरेका हुन् ।
घाँटीमा मासु पलाएको कारणले ४ बर्षदेखि उनको स्वर सुकेको थियो । अब उपचार हुने भएपछी कलाकार छेत्री खुशी देखिएका छन् ।
चलचित्र पत्रकार संघले पनि क्षेत्रीको उपचारका लागि आर्थिक सहयोगको अभियान जारी राखेको छ । विभिन्न सञ्चारमाध्यममा उनको अन्तरवार्ता र समाचार प्रसारण भएपछि संसारभरका नेपालीबाट आर्थीक संकलन अभियान चालिएको थियो ।
हेर्नुहोस् उनको अन्तरवार्ता:
