एक्सन स्टारको उपमा पाएका अभिनेता निखिल उप्रेतीको डेब्यू फिल्म हो 'पिंजडा' । सोहि फिल्मको नाम सापटी लिएर सिक्वेलको रुपमा निर्माण भएको फिल्म 'पिंजडा व्याक अगेन' को रिलिज कन्फर्म भएको छ । फिल्म अर्को बर्षको माघ ५ मा रिलिज हुनेछ ।
.jpg)
वितरणको जिम्मा लिएका गोपालकाजी कायस्थले रिलिज मिति माघ ५ तय भएको पुष्टि गरे । यसअघि फिल्म दशैंमा आउने चर्चा थियो । तयारी नपुग्ने तथा फिल्म फाईनल भएपछिको प्रचार प्रसारलाई ध्यानमा राख्दै फिल्मलाई माघ रिलिज कन्फर्म गरिएको कायस्थले बताए ।
फिल्ममा निखिल उप्रेतीसँगै सारा सिर्पाली लिड अभिनयमा छन् । मौनता श्रेष्ठको लेखन रहेको फिल्मका एक निर्माता श्रेष्ठ नै हुन् ।
हिमाल केसीले निर्देशन गरेको फिल्म ओम शाही भक्त मुभिज र ओम साइ मौलाकालिका पिक्चर्सले संयुक्त रुपमा निर्माण भएको हो ।
