गत जेठ २८ मा रिलिज भई नेपाली बक्सअफिसमा सफल बनेको फिल्म 'गाजलु' निर्माण टिमले दोश्रो प्रोजेक्ट घोषणा गरेको छ । 'गाजलु' रिलिजको झण्डै एक बर्ष पुग्नै लाग्दा निर्माण ब्यानर रोहित अधिकारी फिल्मस् ले दोश्रो प्रोजेक्ट स्वरुप 'ब्रेकअप' घोषणा गरेको हो ।
निर्माता रोहित अधिकारीले भदौबाट फिल्म फ्लोरमा जाने पुष्टि गरे । फिल्ममा को-को कलाकार रहने भन्ने कुरा गौड राखिएको छ । रोहित फिल्मस् सँगै ह्याप्पी प्लानेट फिल्मस् को संयुक्त ब्यानरमा फिल्म 'ब्रेकअप' बन्नेछ । अधिकारीले पुर्णतः लभ स्टोरी जनरामा फिल्म बन्न लागेको बताए ।
फिल्माई हेमराज बिसीले निर्देशन गर्दैछन् । 'गाजलु' निर्देशक बिसी मोटो पारिश्रमिकमा रोहितको दोश्रो प्रोजेक्टमा अनुबन्ध भएका थिए । यसैबीच पछिल्लो समय फिल्म निर्माण पुर्व नै रिलिज तयको होठबाजीमा 'ब्रेकअप' पनि थपिएको छ । निर्माण घोषणाको पुर्व सन्ध्यामा यो प्रोजेक्ट अर्को बर्षको फागुन २ मा रिलिज हुने समेत घोषणा गरिएको छ ।
