फिल्म 'ईण्डलेस लभ' को लिरिकल भिडियो गीत रिलिज भएको छ । सजन श्रेष्ठको निर्देशनको फिल्ममा समावेश सार्वजनिक गीतले प्रेमभाव बोल्छ । प्रेमदिवस, भ्यालेन्टाइनको छेकोमा निर्माण टिमले गीत सार्वजनिक गरेको हो ।
माया भाव बोल्ने गीतमा स्वर अल्मोडा राना उप्रेती र सुमन गुरुङको छ । शब्द संगीत भने जयन्त शर्माको छ । सार्वजनिक लिरिकल भिडियो विजय बस्यालले तयार गरेका हुन् । फिल्ममा कलाकार को भन्ने सार्वजनिक गरिएको छैन् ।
यशराज ढकालको लगानी रहने फिल्मको कथा ढकालले लेखेका छन् भने स्कृनप्ले र डायलगमा निर्माता ढकाल र निर्देशक श्रेष्ठ दुबैले साझेदारी गरेका छन् ।
