भारतको बैङ्लोरमा नेपाली फिल्म फेस्टिभल हुने भएको छ । फेस्टिभल बैङ्लोर रहेका नेपालीहरुको सहकार्यतामा नेपालको डिजिटल फिल्म मार्केटिङ् कम्पनी हाइलाईट्स नेपालले आयोजना गर्न लागेको हो ।
फेब्रूअरी १२ मा एक दिन चल्ने नेपाली फिल्मको फेस्टिभलमा तीन नेपाली फिल्म देखाइने पक्का भएको छ । जहाँ विभिन्न अन्तर्राष्ट्रिय फिल्म फेस्टिभलमा उत्कृष्ट ठहरीएको कालोपोथी, जात्रा र 'लभ साशा'को स्कृनिङ हुनेछ ।
उक्त फेस्टिभलमा सहभागी हुन समबन्धित फिल्मको प्रतिनिधित्व गर्दै कलाकार तथा निर्माण टिम सदस्य कार्यक्रम स्थल पुग्नेछन् । यो फेस्टिभलमा बैङ्लोरमा हुन लागेको पहिलो नेपाली फिल्म फेस्टिभल दाबी गरिएको छ ।
