केहि दिन पहिले मात्र छायाँकन गरिएको फिल्म 'राधे'को प्रेमभावको गीत रिलिज गरिएको छ । दोलखाको कालिञ्चोकमा खिचिएको 'मलाइ माफ गर' बोलको गीतमा निखिल उप्रेती र प्रियंका कार्की फिचरिङमा छन् ।
सार्वजनिक गीतमा अर्जुन पोखरेलको संगीत छ भने अभिजित भट्टचार्यको स्वर छ । रामजी लामिछानेको कोरियोग्राफीमा कालिञ्चोकका मनोरम दृश्यहरु गीतको भिडियोमा समावेश छन् ।
जगदिश्वर थापाको निर्देशनमा तयार फिल्ममा निखिल र प्रियंकासँगै प्रमोद अग्रहरी, अशिष्मा नकर्मी, शिशिर भण्डारी अभिनयमा छन् । फिल्म आउँदो बैशाख १ मा रिलिज हुँदैछ ।
