वलिउडको लागी २०१७ को विग रिलिज डे । अन्ततः पर्दामा दुइ स्टार शाहरुख खान र ऋतिक रोशन आमन्ने सामन्ने भएका छन् । शाहरुखको 'रइस' र ऋतिकको 'काविल' पर्दामा एकसाथ प्रतिस्पर्धामा आउँदा पहिलो दिन को अघि को पछि चर्चा योग्य विषय छ ।
वलिउड अनलाइन वलिउड हंगामा डटकमको समाचारलाइ आधार मान्दा बुधबार रिलिज फिल्ममा 'रइस'ले 'काविल'लाइ धेरै उछिनेको छ । पहिलो दिनको औसत अकुपेन्सीमा 'रइस'को ८५ प्रतिशत पाइएको र 'काविल'को पहिलो दिनको अकुपेन्सी जम्मा ३५ प्रतिशत पाइएको छ । मल्टिप्लेक्समा दुबै फिल्मको दर्शक बराबार जस्तो भए पनि सिंगल स्कृनमा भने अधिकांश हल शाहरुखको फिल्मले बाजी मारेको अर्को अनलाइन कोइमोइ डटकम लेख्छ ।
बुधबारको एकिन विजनेस बिहिबार मात्र सार्वजनिक हुने भएपनि पहिलो दिन 'रइस' ले २० करोडको आसपास विजनेस गर्ने अनुमान छ भने' काविल'को आशातित विजनेस १० करोडको आसपास मानिएको छ ।
