छक्का पञ्जा फिल्ममा समावेश गीत 'पुर्व पश्चिम रेल'ले युट्युवमा एक करोड भिजिटको किर्तिमान राखेको छ । यसअघि यहि फिल्मको निर्माण ब्यानरमा बनेको 'वडा नम्बर छ' फिल्मको 'सुर्के थैली' बोलको गीतले समेत १ करोड बढि पटक युट्युवमा हेरिएको किर्तिमान बनाएको थियो ।
आमा सरस्वती मुभिजको व्यानरमा बनेका दुबै फिल्मका गीतले नेपाली फिल्मको इतिहासमा सर्वाधिक बढि युट्युवमा हेरिएको रेकर्ड बनाएका हुन् । यो पाइपलाइनमा 'लुट २' को गीत ठमेल बजार पनि रहेको अनुमान लगाइएको छ । उक्त गीत पनि अहिलेसम्म करिब ६० लाख पटक हेरिएको छ ।
त्यसो त केहि दिन पहिले मात्रै युट्युवमा रिलिज फिल्म 'छक्का पञ्जा' समेत ५५ ला भन्दा बढि पटक हेरिसकिएको छ । उक्त फिल्म पनि छिट्टै नै १ करोड बढि भिजिट हुनसक्छ । 'पुर्व पश्चिम रेल' बोलको गीतमा संगीत राजनराज शिवाकोटीको छ । स्वर राजनसँगै अञ्जु पन्तले भरेकी छिन् ।
रिलिजको झण्डै ८ महिनामा यो गीतले १ करोड भिजिट रेकर्ड राखेको हो । दिपाश्री निरौलाले फिल्मको निर्देशन गरेकी हुन् भने प्रियंका कार्की, दिपकराज गिरी, शिवहरी पौड्याल, जितु नेपाल, केदार घिमिरे, बर्षा राउत, नम्रता सापकोटा, बुद्धी तामाङ फिल्ममा लिड अभिनयमा छन् ।
