नेपाली चेली तेरिया फौजा मगरले भारतिय टेलिभिजन च्यानल कलर्स टिभीको चर्चित शो 'झलक दिखला जा' को ताज जितेकी छिन् । यद्धपी कलर्स टिभीले यो निर्णयलाई औपचारिक घोषणा भने गरेको छैन् ।
बलिउड अनलाइन ‘बलिउड लाइफ’का अनुसार उनले अन्य २ प्रतिस्पर्धीलाई उछिन्दै उनले 'झलक दिखला जा'को ताज जितेकी हुन् । वलिउड लाइफले बधाइ लेख्दै डान्स इण्डिया डान्सको ताज जितेकी तेरियाले ‘झलक दिखला जा’को पनि ताज आफ्नो घर भित्र्याएको जनाएको छ ।
उक्त डान्सिङ रियालिटी शो को औपचारिक प्रशारण भने शनिबार राती नेपाली समय अनुसार सवा नौ बजे हुनेछ । सोहि समयका टेलिभिजन दर्शकहरुले तेरियाको 'विनिङ' प्रस्तुती देख्न पाउनेछन् ।
भोटिङको आधारमा तेरियाले यो ताज देश भित्र्याएकी हुन् । उनको लागी वलियो प्रतिद्वन्द्वी सलमान यूसूफ खानलाई लिइएको थियो । त्यसो त भोटिङबाट विजेता घोषणा हुने धेरै कार्यक्रममा नेपालीहरुले जितेको उदाहरण धेरै छन् ।
तश्विरः वलिउडलाइफ
