अरुणकुमार प्रधान निर्देशित फिल्म 'यो साइनो मायाको' रिलिजको लागी तयार छ । संभवत फागुनमा रिलिज हुने फिल्मको नामले नै लभस्टोरी प्याटन बोल्छ ।

गत महिना सार्वजनिक टिजरले राम्रो तारिफ भेटेको फिल्ममा समावेश केहि स्थिर दृश्यहरु बाहिरिएका छन् जहाँ लिड अभिनेता जतिन ताम्राकार अनि अभिनेत्री रेश्मा घिमिरेको प्रेमभाव झल्केको छ । अन्य दृश्यमा हाँस्य कलाकारितामा 'डिट्ठा साब' को रुपमा परिचित कलाकार किशोर भण्डारीको कमेडी अबतार पनि झल्केको छ ।

फिल्ममा रामकुमार श्रेष्ठको लगानी छ । उल्लेखित बाहेक अन्य कलाकारमा राजु कमेडी, नवनितराज प्रधान, सुनिता ठाकुर लगायतलाइ फिल्ममा भेट्न सकिन्छ ।

यसअघि सार्वजनिक टिजर कलरफूल आएको थियो । टिजरले नै राईजिङ स्टारहरु अभिनयमा रहेको फिल्मप्रति आशाको किरण छरेको थियो । फिल्म 'यो साइनो मायाको' निर्मा टिमले छिट्टै नै रिलिज मिति तय गर्दै ट्रेलर सार्वजनिक गर्ने तयारी गरेको बताएको छ ।

यहाँ हेर्नुहोस फिल्म भित्रका केहि स्थिर दृश्यहरु: