रिलिज मिति नजिकिँदै जाँदा फिल्म 'तारेभीर' निर्माण युनिटले प्रचारप्रसारलाई पनि तिब्रता दिएका छन् । छिट्टै रिलिज हुने भनिएको फिल्मको सोमबार एउटा गीत सार्वजनिक गरिएको छ ।
फिल्ममा समावेश 'निलो निलो खुला आकाश' बोलको गीतलाई सार्वजनिक गरिएको हो । सार्वजनिक गीतमा मीना सिंगकको शब्द रहेको छ भने प्रकाश गुरुङको संगीत र रीमा गुरुङको स्वर रहेको छ ।
गोविन्द राईको नृत्य कोरियोग्राफी रहेको यस गीतमा अभिनेत्री रेखा फागो फिचरिङमा छिन् ।प्रेम सुब्बाद्वारा निर्देशित फिल्ममा नेपाल स्टार विष्णु चेम्जोङ, नविन कार्की, रेखा फागो, प्रेम सुब्बा, जयनन्द लामा, मञ्जु श्रेष्ठ र रञ्जित राना लगायतको मुख्य अभिनय छ ।
