रिलिजको केहि घण्टामै फिल्म 'लप्पन छप्पन' को ट्रेलर सामाजिक सञ्जालमा भाइरल जस्तै बनेको छ । फेसबुक, टुइटरमा फिल्मको ट्रेलर सेयरिङ देखि यो सँग सम्बन्धित दृश्यहरु राख्दै ट्रोलहरु समेत बनेका छन् ।
रिलिजको १५ घण्टा पुग्दा १ लाख बढिले हेरिसकेको ट्रेलर हेर्दा फिल्मको कथा सस्पेन्स लाग्छ । जहाँ लिड अभिनेता सौगात मल्ल अन्य फिल्मको भन्दा विल्कुल फरक अबतारमा प्रस्तुत छन् । त्यस्तै अभिनेता दयाहाङ राई, अर्पण थापा, अभिनेत्री वर्षा शिवाकोटीलाई पनि ट्रेलरमा भेट्न सकिन्छ ।
अधिकांश दृश्य युरोपमा सँगै नेपालमा खिचिएको फिल्मका निर्देशक मुकुन्द भट्ट हुन् । पुरुषोत्तम प्रधानले फिल्म खिचेका छन् । चैत्र ११ लाई फिल्मको रिलिज तोकिएको छ ।
ट्रेलर हेर्नुहोसः