बर्ष २०७३ को प्रतिच्छित फिल्म 'लुट २' को ट्रेलर सार्वजनिक भएको छ । राजधानीमा आयोजित एक कार्यक्रमका बीच फिल्मको ट्रेलर सार्वजनिक गरियो । ट्रेलरमा द्वन्द्व अनि सस्पेन्सलाई प्राथमिकता दिईएको छ । ट्रेलरले दर्शकलाई फिल्मप्रति कौतुहलता समेत सृजना गर्छ ।
निश्चल बस्नेत निर्देशित फिल्ममा दयाहाङ राई, सौगात मल्ल, ऋचा शर्मा, कर्मा, विपिन कार्की, सुशिलराज पाण्डे लगायत अभिनयमा छन् । फागुन १३ मा रिलिज हुने फिल्मका निर्माता माधव वाग्ले र नरेन्द्र महर्जन हुन् ।
निर्देशक निश्चलले यसअघि नै पहिलो सिक्वेल 'लुट'को विषयवस्तु भन्दा केहि भिन्न कथामा तयार भएको बताईसकेका छन् । 'फिल्मले 'लुट'ले छाडेको कथालाई निरन्तरता दिनेछ सँगसँगै पछिल्लो समय जनताहरु मारमा परेको 'भूकम्प, नाकाबन्दी, अपराधका घटनाहरुलाई पनि फिल्मले पर्दाफास गर्नेछ; निश्चलले सुनाए ।
