अर्को बर्षको जेठ १२ लाई प्रदर्न मिति तय गरेको फिल्म 'हिटलर'को लिरिकल अडियो गीत सार्वजनिक भएको छ । 'तिमी चाउमिन खाँदै, म मःम बजाउँदै' बोलको रोमान्टिक अडियो युट्युवबाट बाहिर आएको हो ।
दर्शकलाई 'क्याची' लाग्नसक्ने उक्त गीतमा लोचन घिमिरे र श्रेया सोताङको स्वर छ । शब्द तथा संगीत पनि लोचनले नै भरेका छन् । गीतको भिडियो भने अझै तयार भएको छैन् ।
सौरभ ढकाल निर्देशित फिल्म 'हिटलर'मा सोहित मानन्धर र नव अभिनेत्री समिया बर्तौलाको मुख्य भूमिका छ । अष्टनारायण पिक्चर्सले यो फिल्म निर्माण गरेको हो ।
रोमान्टिक कथामा तयार भएको फिल्मको छायाँकन (उल्लेखित गीत बाहेक) सकिएको छ । अल्टरनेट मोसन पिक्चर्स र लोचन घिमिरे फिल्मस्ले फिल्मको निर्माणमा सहकार्य गरेका छन् ।
