माघ महिनाबाट फ्लोरमा जान लागेको फिल्म 'ग्याङ्गस्टार ब्लूज'को कास्टिङ लाईनअप पुरा भएको छ । यसअघि नै 'जेरी' हिरोईन आना शर्मा र आशिरमान देशराज फाईल भईसक्दा अब भने अर्की अभिनेत्रीमा रोजिशा शाही ठकुरी थपिएसँगै कलाकार पुर्ण भएका हुन् ।
मिस नेपाल अर्थ-२०१३'की ताज विजेता रोजिशाको लागी यो फिल्म डेब्यू हुनेछ ।
'तारा' नामको फिल्मको पात्रको भुमिका रोजिशाले निभाउनेछिन् । भिजे तथा मोडलिङमा सक्रिय रोजिशा फिल्मको कथा अनुसार फिट भएपछि प्रोजेक्टमा अनुबन्ध भएको निर्माण टिमको भनाई छ ।
फिल्मका निर्देशक हेमराज बिसी हुन् । सरोज न्यौपाने निर्माता छन् । फ्लोरमा जानु पुर्व नै फिल्मको रिलिज मिति तय भईसकेको छ ।
'ग्याङ्गस्टार ब्लूज' अर्को बर्षको भदौ २४ मा रिलिज हुनेछ ।