दिवंगत हाँस्य कलाकार आरपी भट्टराइ ‘लादालाम’ को निधनको १२ औँ दिनको पुण्यतिथीमा राजधानीमा एक कार्यक्रम सहित कलाकर्मीले आरपीलाई सम्झिँदै उनको तश्विरमा अन्तिम श्रद्धाञ्जली व्यक्त गरेका छन् । प्रज्ञा भवन कमलादीमा आयोजित श्रद्धाञ्जली सभामा विभिन्न कलाकर्मीले मन्तव्य दिँदै उनको सम्झना गरे ।
कांग्रेस नेता तथा सभासद रामहरी खतिवडाले आरपीको शरिरमा श्रद्दाञ्जली दिँदै केहि दिन पहिले आफ्नो गृह जिल्ला ओखलढुङ्गा पुग्दा भेट भएको र त्यसको लगत्तै उनी विराटनगर पुगेपछि सुन्न परेको दु:खद खबरले मर्माहत भएको बोले ।
यस्तै हाँस्य कलाकार दिपकराज गिरी, दिपाश्री निरौला, निर्मल शर्मा लगायतले आरपीले संसार छाडेको भन्ने कुरामा अझै विश्वास लिन नसकेको भन्दै दिवंगत आत्माको चिर शान्तीको कामना गरे । लादालामको नाममा श्रद्धाञ्जली मन्तव्य दिन माईक नजिक पुगेकी दीपाश्री एक्कासी भक्कानिँदै आँशू झारेकी थिईन् ।
श्रद्धाञ्जली सभामा नेपाली हाँस्य क्षेत्रका (सानो पर्दा)मा अधिकांश नाम चलेका कलाकारहरु, फिल्म निर्देशक , निर्माता अभिनेता, अभिनेत्री, गायक, सञ्चारकर्मी सहित अन्य विभिन्न विधाका व्याक्तित्वहरुक सहभागीता थियो ।
४२ बर्षे आरपीले आज भन्दा १२ दिन पहिले विराटनगरमा फुपुको घरमा गएको अवस्थामा यो संसारबाट विदा लिएका थिए । मधुमेहका बिरामी आरपीलाई हृदयघात भएको बताईन्छ ।
फिल्मीखबर डटकमको तर्फबाट पनि दिवंगत आरपी (लादालाम) प्रति हार्दिक श्रद्धा सुमन ।
