न्यू कमर कास्ट रहेको फिल्म 'समर्पण' यहि पौष १५ मा रिलिज हुँदैछ । फिल्मबाट नव अभिनेत्रीको रुपमा डेब्यू गर्दैछिन् रञ्जु शर्मा । उनै रञ्जु फिल्मीखबरसँगको कुराकानीमा केहि खुलिन् अनि रिलिजको पहिलो फिल्मलाई लिएर प्रफुल्लित देखिईन् ।
'समर्पण'को रिलिज मिति नजिकिँदै गर्दा धेरै उत्साहित र केहि मनमा डर लागिरहेको बोल्ने रञ्जु फिल्म विसुद्ध मोरञ्जनको खुराक भएको तर्क गर्छिन् । विना कुनै मोडलिङ अनि अभिनय, फिल्म क्षेत्रमा आएकी रञ्जु अबको यात्रा निरन्तर फिल्ममा हुने तर्क गर्छिन् । सफलता र असफलतालाई जीवनको दुई पाटो सम्झिने रञ्जु सफलताले काममा थप उत्साह थप्ने र असफलताले अझ केहि गर्नुपर्छ भनेर सिकाउने बताउँछिन् ।
नेपालका पुरानो अनि स्थापित को कलाकार मन पर्छ भन्ने प्रश्नमा रञ्जुले आर्यन सिग्देलसँग रोमान्स गर्ने ईच्छा व्यक्त गरिन् । 'मेरो लागी त आर्यन सुपरस्टार लाग्छ, लभस्टोरी फिल्ममा निकै रुचाउँछु, आर्यनसँग मिलेसम्म अन स्कृन रोमान्स गर्ने मन छ', रञ्जुले सुनाईन् ।
नेपाल र बंगलादेशमा छायाँकन गरिएको फिल्म 'समर्पण'सँगै अन्य फिल्मी सेरोफेरोमा रहेर रञ्जुसँग गरिएको रमाईलो कुराकानी यहाँ प्रस्तुत छ ।