स्टारको छबि बनाईसकेकी अभिनेत्री रेखा थापाको पहिलो फिल्म 'हिरो'को नाम सापटि लिँदै तयार भएको फिल्म 'हिरो रिटर्न्स'को शिर्ष गीत सार्वजनिक भएको छ । मोशन पिक्चर्स सहितको सार्वजनिक गीतमा फिल्मका केहि स्थित दृश्यहरु समेत समावेश छन् ।
फिल्मको सार्वजनिक शिर्ष गीतमा संगीत टंक बुढाथोकीको छ भने स्वरमा टंकलाई मनिषा पोखरेलले साथ दिएकी छिन् । गीतको शब्द पनि टंकको नै हो ।
यो बर्षको अन्त्यतिर प्रदर्शनको लक्ष्य राखिएको फिल्मलाई आशिष भेटवालले निर्देशन गरेका हुन् । फिल्ममा रेखा थापा, सविन श्रेष्ठ, दिल श्रेष्ठ लगायतका कलाकारको मुख्य भूमिका छ । मदन काश्यप घिमिरेले खिचेको चलचित्रमा चन्द्र गौतम, सहदेव गौतम र भिम न्यौपाने लगानी छ ।
