शुक्रबार बिहान विराटनगरमा निधन भएका कलाकार रुद्र प्रसाद (आरपी) भट्टराई 'रादाराम'को भोली मात्रै दाह संस्कार हुने भएको छ । उनका दुई छोरा तथा आमा काठमाडौंमा रहेको तथा भाई दिल्लीमा रहेको कारण आउन ढिला हुनेभएकोले भोलीमात्रै दाह संस्कार हुने देखिएक पारिवारिक श्रोतले पुष्टि गरेको छ ।
आरपीका दाजु हरि भट्टराईले फिल्मीखबरलाई दिएको जानकारी अनुसार एक भाई दिल्लीबाट आउँदै गरेको र टिकट नमिलेका कारण दिउँसो २ बजे मात्र नेपाल प्रस्थान गर्ने छन् भने आमा र दुई छोरा काठमाडौबाट हिडिसकेका छन् ।
'रुद्रको श्रीमती भद्रपुर छिन्, उनि पनि आउँदैछिन्, परिवारका सबै सदस्य जम्मा भएपछि मात्र दाह संस्कारको तयारी गर्नेछौं, हरीले भावुक मुद्रामा भने । 'उनका अनुसार राती नौ बजेसम्म फुपुको घरमा सबैजना गफ गरेर बसेका थिए, आरपी हाँसो खुसीमै देखिएका थिए, तर बिहान उठ्दा आरपीले संसार छाडिसकेका थिए ।
अहिले विराटनगरमा श्रद्धाञ्जलीको लागी आफन्त तथा शुभचिन्तकहरुको घुईंचो लागेको छ । फुपुको घरमा तुलसीको मठमा आरपीको पार्थिव शरीर राखिएको छ ।
तश्विरः विराटनगरबाट जतिन ताम्राकारको सहयोगमा
