वलिउडको प्रतिच्छित बनेको स्टार अभिनेता शाहरुख खानको फिल्म 'रइस'को ट्रेलर २० घण्टामै १ करोड बढि भिजिट भएको छ । युट्युव ट्रेण्डिङमा नम्बर वान देखिएको रईस ट्रेलर यो समाचार तयार पार्दासम्म १ करोड पाँच लाख पटक हेरिएको छ ।
वलिउड अनलाईनहरुलाई आधार मान्दा रेकर्डेवल भिजिट यो । २४ घण्टा नबित्दै १ करोड बढि भिजिट भएको पहिलो ट्रेलर रइस दाबी गरिएको छ । ट्रेलरमा २ लाख बढि लाईक तथा हजारौं कमेन्ट बर्षिएको ट्रेलरलाई धेरैले तारिफका शब्द बर्षाएका छन् । ट्रेलरप्रति देखिएको उत्सुकतालाई आँकलन गर्दा आउँदो जनवरी २५ मा रिलिज हुने फिल्मले वक्सअफिसमा कमालको ओपनिङ गर्नसक्छ ।
एक्शनप्रधान देखिएको फिल्ममा शाहरुखसँगै माहिरा खान, नवाजुद्दिन सिद्धिकी लिड अभिनयमा छन् । फिल्मलाई राहुल ढोलाकियाले निर्देशन गरेका हुन् ।
