नेपाल र बंगलादेशमा छायाँकन गरिएको फिल्म 'समर्पण'को ट्रेलर सार्वजनिक भएको छ । युट्युवमा सार्वजनिक ट्रेलरले प्रेम, रोमान्स र रोदन बोल्छ । त्यसो त फिल्मको जनरा नै लभस्टोरी हो ।
बसन्त निरौला फिल्मका निर्देशक हुन् । पौष १५ बाट दर्शकले हलमा गएर समर्पण हेर्न पाउनेछन् । मित्रताको कथा पेस गर्ने फिल्म फायर इन्टर प्राइजेज एण्ड मिडिया प्रालीको ब्यानरमा रोजन खनालको प्रस्तुतीमा तयार भएको हो । बंगलादेशी नागरिक इमरान सिद्दिकीले फिल्मको निर्माण गरेका हुन् ।
फिल्ममा रञ्जु शर्मा, रुविना शर्मा, अनु पराजुली, कैलास तामाङ, रोजन रखाल लगायत लिड अभिनयमा छन् । दिव्य सुवेदीले खिचेको फिल्ममा टंक बुढाथोकीको संगीत छ ।