फिल्म 'बमकाजी'को छायाँकनको लागी कलाकारसहितको टिम हेलिकप्टर चार्टर गरेरै गोरखा पुगेको छ । हिमाली गाउँ सामागाउँ स्थित मनास्लु वेसक्याम्पमा हुने सुटिङको लागी लिड कलाकार सौगात मल्ल, दिया पुनः, वुद्धि तामाङ सहितको टोली त्यहाँ पुगेको हो ।
त्रिभुवन विमानस्थलबाट फिल्म क्रियू प्रस्थान गर्नुपुर्व फिल्मका अन्य सदस्यले खादा लगाई विदाई गरेका थिए । स्थानिय रहनसहन र संकृतिलाई नजिकबाट वुझ्नका लागि कलाकारको टोलीलाई छायांकन सुरु हुनुभन्दा अगाडि नै पठाइएको निर्देशक खिलबहादुर गुरुङले जानकारी दिएका छन् ।
मंसिर २५ गतेबाट यो फिल्मको छायांकन सुरु हुनेछ । परिच्छेद सेनको कथा रहने फिल्ममा साम्तेन भुटियाको पटकथा तथा संवाद छ । चार हजार फिटमा रहेको मनास्लु वेस क्याम्पमा फिल्मको छायाँकन हुने बताईएको छ ।
फिल्मको छायाँकन समय ३५ दिनको राखिएको छ । सुरेश कार्की, रविराज कार्की र राजेशजंग गौतमको संयुक्त लगानी रहने यो फिल्मलाई संजय लामाले खिच्नेछन् ।
