फागुन २७ लाई अफिसियल प्रदर्शन मिति तय गर्दै फिल्म 'दर्पणछायाँ २' को अफिसियल गीत रिलिज गरिएको छ । तुलसी घिमिरे निर्देशित फिल्मको सार्वजनिक 'आकाशैमा' बोलको गीतमा लिड कलाकार पुष्प खड्का र साहारा फिचरिङमा छन् ।
'टिपिकल नेपालीपना बोल्ने गीतको भिडियोलाई छेडुप लामाले निर्देशन गरेका छन् । रञ्जित गजमेर र चन्दन लोम्जेलको संगीत रहेको गीतमा राजेशपायल राई, मेलिना राई, अशोक धमला र कर्मा ग्याल्जेनको स्वर छ । रामेश्वर कार्कीले क्यामेरा चलाएका छन् ।
साहारा फिल्मस् प्रोडक्शनको व्यानरमा बनेको फिल्ममा पुष्प र साहारासँगै श्रद्धा प्रसाईं, फिरोज तिमिल्सिना, सेरबहादुर गुरुङ, जीवन आचार्य लगायत अभिनयमा छन् ।