पौष २९ लाई रिलिज मिति तय गरेर प्रचारमा उत्रेको फिल्म 'कारखाना'को भिडियो गीत रिलिज भएको छ । केहि दिन पहिले लिरिकल भिडियो सार्वजनिक गरेको निर्माण टिमले फिल्ममा समावेश 'मायाले बोलेको' बोलको भिडियो गीत रिलिज गरेको हो ।
सार्वजनिक गीतमा लिड कलाकार सुशिल श्रेष्ठ र वर्षा शिवाकोटी फिचरिङमा छन् । जहाँ उनिहरुको प्रेमिल भाव भेट्न सकिन्छ । गीतमा स्वर निखिता थापा र सुगम पोखरेलको छ भने शब्द र संगीत हर्कुलस वस्नेतको छ ।
कविराज गहतराज कोरियोग्राफर हुन् । अमरद्विप सापकोटाको लेखन निर्देशन रहेको फिल्ममा सुदिप खड्का र अमर बज्राचार्यको लगानी छ । नारीप्रधान भनिएको फिल्ममा चन्द्र पन्तको द्वन्द्व छ ।
