फ्राईडे रिलिज अन्तर्गत यो हप्ताको लागी चर्चामा रहेको फिल्म 'पुरानो डुङ्गा' प्रदर्शनमा आएको छ भने वलिउड स्टार शाहरुख खान र आलिया भट्ट स्टारर फिल्म 'डियर जीन्दगी' पनि नेपाली पर्दामा एकसाथ आएको छ ।
कबड्डी निर्देशक रामबाबु गुरुङको 'पुरानो डुङ्गा'मा दयाहाङ राई र प्रियंका कार्की मुख्य भूमिकामा छन् भने मेनका प्रधान, माओत्से गुरुङको पनि मेजर रोलमा छन् ।
फिल्मको पहिलो दिनको सुरुवात राम्रो देखिएको खबर प्राप्त छ । फिल्मले शाहरुखको फिल्ममा भन्दा बढि दर्शक आफ्नो पक्षमा पारेको छ ।
त्यसो त मल्टिप्लेक्समा शुक्रबारका सबैजसो शो को अधिकांश टिकट बिहिबार साँझसम्म बुकिङ भईसकेको थियो । फिल्मको लागी भोली अर्थात शनिबारको शोको लागी पनि मल्टिप्लेक्समा प्राप्त शो का सबैजसो सिटहरु अग्रिम बुकिङले भरिने क्रममा छन् ।