भोली अर्थात शुक्रबारबाट प्रदर्शनको तयारीमा रहेको फिल्म 'पुरानो डुङ्गा'को बुकिङ आक्रामक देखिएको छ । क्यएफएक्समा मात्रै १४ शो पाएको फिल्मले अग्रिम बुकिङमा बलिउड स्टार शाहरुख खानको फिल्म 'डियर जीन्दगी'लाई समेत उछिनेको छ ।
क्यूएफएक्समा पाएको १४ शो मा 'पुरानो डुङ्गा'को पहिलो दिनको १० शो करिब हाउसफुल भईसक्दा शनिबारको पनि ७ शो मा दर्शकले सिट रोजिसकेका छन् ।
शाहरुखको फिल्मले भने १५ शो पाउँदा अहिलेसम्म पहिलो दिनलाई ८ शो को लागी मात्रै दर्शकले सिट कब्जा गरेका छन् । आक्रामक बुकिङलाई हेर्दा बिहिबार साँझसम्म क्यूएफएक्सका सबै शो भरिने संभावना बढि छ ।
रामबाबु गुरुङ निर्देशित फिल्ममा माओत्से गुरुङ, दयाहाङ राई, प्रियंका कार्की, मेनका प्रधान लिड अभिनयमा छन् । फिल्मले बुधबार सम्पन्न प्रिमियरमा भने मिश्रित प्रतिक्रिया पाएको छ ।
