फिल्म रेशम फिलिली टिमले फिल्मको प्रचारमा धेरै लगानी गर्नुपरेन । 'जालमा' बोलको गीतले फिल्मको हाईप ह्वात्तै बढायो । नेपाली गीत संगीत तथा फिल्मलाई नजिकबाट नियाल्ने कोहि पनि उक्त गीत नसुन्ने भेटिएनन् ।
'पिरतीको छाता ओढाउन' बोलको गीतले नै फिल्मप्रति दर्शक डोहोर्यायो । भूकम्पको पीडाको बाबजुत पनि फिल्मले एक प्रकारको सफलता हात पार्यो । अहिले यस्तै छ । यो शुक्रबारबाट प्रदर्शनको तयारीमा रहेको फिल्म 'पुरानो डुङ्गा'को एक गीत 'नीरा जैले रिसाउनी...' । गीत अअिले जहाँततै गुञ्जिन्छ, धेरैले मन पनि पराए ।
गीतकै कारण पनि यो फिल्मले राम्रो हाईप पाईसकेको छ । गीत त रह्यो नै त्यो सँगसँगै फिल्मको अर्को 'प्लस पोईण्ट' फिल्मका स्टारकास्ट छन् । प्रियंका कार्की, दयाहाङ राई लिड अभिनयमा रहेको फिल्म पर्खिने दर्शक राम्रै रहेको सामाजिक सञ्जालमा व्यक्त अभिव्यक्तीहरु बोल्छन् ।
जुनकुनै फिल्ममा समावेश गीत संगीतले पछिल्लो समय मेरुदण्डको काम गर्ने गरेको छ । गीत हिट भएको खण्डमा दर्शक र समिक्षकले झुर भनेका फिल्म पनि व्यवसायिक हिट छन् । त्यसैले 'पुरानो डुङ्गा'को ईनिसियल विजनेसमा 'नीरा जैले रिसाउनी'को प्रभाव आँकलन गर्न सकिन्छ । तर त्यसपछिको विजनेसमा भने फिल्म कस्तो बनेको छ त्यो बढि महत्वपुर्ण हुनसक्छ ।