माघे सक्रान्ति नेपाली फिल्मको लागी ठुलो चाड मानिन्छ । राम्रा बनेका फिल्म यो मितिमा राम्रै चल्छन् । प्रायः जसो हरेक बर्ष माघे संक्रान्तिको छेकोमा कम्तिमा तीन फिल्म भिडेकै हुन्छन् । यो बीचमा यो बर्ष पनि यदि तोकिएकै रिलिज कन्फर्म हुँदा माघे संक्रान्तिको छेकोमा आउँदो पौष २९ मा चार फिल्म भिड्ने देखिएको छ ।
सुरुवातमा निखिल उप्रेतीको फिल्म 'किङ' र 'कारखाना'ले रिलिज तोकेको अवस्थामा अब अन्य दुई फिल्म पनि आउने पक्का भएको छ । सौगात मल्ल स्टारर फिल्म 'शब्द' र केकी अधिकारी स्टारर फिल्म 'लभसासा' पनि रिलिज कन्फर्म भएको हो ।
'लभसासा' निर्देशक प्रचण्डमान श्रेष्ठले आफ्नो फिल्म पनि पौष २९ मा रिलिज हुने पुष्टि गरे । यदि सबै फिल्म रिलिज हुँदा चार वटै फिल्मका निर्मातालाई विजनेसमा घाटा हुनसक्छ । राम्रा फिल्मले दर्शक पाउने भएपनि भिडन्तले दर्शक बाँडिँदा घाटा सबैलाई हुने देखिन्छ ।
उता सोहि मितिमा यसअघि बारबार रिलिज रोकिएको 'डेस्टिनेशन काठमाडौं' नामको अर्को फिल्म पनि प्रदर्शनको गाईंगुईं चलिरहेको छ ।
