प्रचण्डमान श्रेष्ठको निर्देशन रहेको फिल्म 'लभसासा'को टिजर सार्वजनिक भएको छ । युट्युवमा सार्वजनिक अफिसियल टिजरमा प्रेम कथालाई प्राथमिकता दिईएको छ ।
प्रिन्सेज मुभिज तथा 'दि टि फोल्क्स फिल्मस् प्रोडक्शन'को संयुक्त व्यानरमा बनेको फिल्मको कथा पनि निर्देशक श्रेष्ठको नै हो । फिल्मलाई आउँदो माघे सक्रान्तिको छेकोमा अर्थात जनवरीमा रिलिज गर्ने तयारी गरिए पनि अफिसियल रिलिज मिति तय गरिएको छैन् ।
माधव वाग्लेको निर्माणमा तयार 'लभ सासा'मा कर्मा शाक्य, केकी अधिकारी, शिवानी चालिसे, रश्मी भट्ट, विकाश जोशी र आसिफ शाह फिचरिङमा छन् । फिल्मलाइ शिवराम श्रेष्ठले खिचेका हुन् ।
