वलिउड अभिनेत्री नेहा धुपिया काठमाडौं आएर सोमबार नै भारत फर्केकी छिन् । मिडियामा नछाई गुपचुप किन आईन र फर्किन र नेहा ?
जानकारीमा आए अनुसार अनि प्राप्त तश्विर अनुसार स्पोर्टस् ब्राण्ड पुमाको आउटलेट शुभारम्भ गर्न नेहा नेपाल आएकी थिईन् । राजधानीको दरबारमार्गमा खुलेको पुमाको आउटलेटको सुभारम्भ गर्दै नेहाले नेपाल देशको बारेमा अनि नेपालीको बारेमा पनि खुलेर बोलिन् ।
'नेपाल मलाई विदेशजस्तो नै लाग्दैन, आफ्नै देश सम्झिन्छु उनले भनेकी छिन्, 'नेपाली हावापानी र संस्कृतिले निकै आकर्षित पार्छ ।' २००२ की मिस ईण्डिया नेहाले नेपाली माटो निकै मन पर्ने समेत बोलिन् ।
नेहाले सुभारम्भ गरेको पुमा ब्राण्ड विश्वप्रसिद्ध स्पोर्ट्स ब्राण्ड हो । पुमाले फुटबल, दौड, गल्फ जस्ता विश्वप्रसिद्ध खेल सम्बन्धि सामग्री उत्पादन तथा विक्री गर्दै आएको छ ।
