प्रदर्शनको संघारमा रहेको फिल्म 'दि विनर'को पार्टि गीत सार्वजनिक भएको छ । 'मिड नाईट' बोलको गीतमा अभिनेत्री मलिना जोशी र लिड अभिनेता महेशमान श्रेष्ठ फिचरिङमा छन् ।
बालाजु स्टुडियोमा सेट लगाएर छायाँकन गरिएको गीत युवापुस्ता लक्षित छ । गीतमा अमित श्रेष्ठको शब्द तथा संगीत समावेश छ भने स्वर ईन्दिरा जोशी र महेशमान श्रेष्ठको छ ।
कविराज गहतराजले नृत्य निर्देशन गरेको गीत शुक्रबार सामाजिक सञ्जाल युट्युव मार्फत सार्वजनिक गरिएको हो । फिल्ममा सिर्जना शाह र विकास खरेलको लगानी छ । 'दि विनर' आउँदो कार्तिक १९ बाट दर्शकमाझ आउँदै छ ।
