करण जोहरको फिल्म 'ए दिल है मुश्किल'मा लिड अभिनयमा रहेको भनेर प्रचार गरिए पनि अभिनेत्री ऐश्वर्या रायको ठुलो अभिनय नरहेको बलिउड मिडियाले लेखेका छन् । उक्त फिल्ममा ऐश्वर्याको जम्मा २० मिनेटको भुमिका रहेको वलिउड हंगामाले लेखेको छ ।
प्रचारका कार्यक्रमदेखी मिडियामा आउँदा पनि करणले अनुष्का शर्मा, रणविर कपुरसँगै ऐश्वर्याको पनि लिड अभिनय रहेको र सबैको समान भुमिका रहेको बोल्दै आएका थिए ।
धर्म प्रोडक्शनको उक्त फिल्म यसैपनि कन्ट्रोभर्सीमा परिसकेको छ । अजय देवगानको फिल्म 'शिवाय'सँग भिड्न लागेको फिल्मको बारेमा एक पक्षले अर्कोलाई गर्दै आएको घोचपेच तथा आरोप प्रत्यारोपले समेत दुबै फिल्म चर्चामा पनि छन् ।
