दशैंको छेकोमा गत शुक्रबारबाट प्रदर्शनमा आएको फिल्म 'किस्मत २' को व्यापारिक अवस्था कस्तो रह्यो धेरैको कौतुहलताको विषय हुनसक्छ । निर्माता छबिराज ओझा र अभिनेत्री शिल्पा पोखरेलको विवाहको कन्ट्रोभर्सी तथा विविध कारणकाबीच चर्चामा रहेको फिल्मले आशातित विजनेस गरेको निर्माण टिम तथा वितरण कम्पनिबाट जानकारी आएको छ ।
फिल्मको विजनेसबाट आफु पुर्णतः सन्तुष्ट रहेको बोल्दै निर्माता ओझाले आफु काठमाडौंका हल हलमा पुगेर दर्शकसँग खुसी साट्दै टिका लगाईदिएको समेत बताए । 'हिजो पनि दिनभर हलमा दर्शकसँग हलमा दशैं मनाएँ अहिले पनि विश्वज्योती हलमा छु, निर्माता ओझाले भने, 'हालसम्मको दर्शकको साथबाट उत्साहित छु सबैलाई धन्यवाद छ ।'
उता वितरक गोपाल कायस्थबाट प्राप्त जानकारी अनुसार फिल्मले पाँच दिनमा देशभरबाट ७० लाख बढिको विजनेस गरेको छ । 'विगतका दशैंमा मोफसलमा दर्शकको चाप बढि राजधानीमा कम पाईन्थ्यो, यो पटक सबैतिर बराबर छ, बुधबार (आज) पनि हलमा दर्शकको भीड उत्तिकै छ, कायस्थले भने ।
ऋषि लामिछाने निर्देशित फिल्ममा शिल्पा पोखरेल, पृथ्वीराज लगायत लिड अभिनयमा छन् । फिल्मले सांगितिक रुपमा रिलिज पहिले नै बाजी मारेको थियो । निर्माता ओझाको अनुसार फिल्मको कुल लागत भने ८० लाख हो ।
