हाँस्य कलाकार केदार घिमिरे'माग्ने बुढा' को स्वास्थ्य स्थितिलाई लिएर पछिल्लो केहि समयबाट निकै चर्चा चलेको छ । कतिले यसलाई बहसको बिषय समेत बनाए ।
माग्नेका नजिकका मान्छे र सरकारी तबरबाट उनको उपचारमा सहयोग मिलेन भनेर चर्को बिरोध समेत भयो । उनको बिषयमा भिन्न भिन्न कुरा चलिरहेका बेला फिल्मीखबरले माग्ने बुढालाई भेट गरेर यो बिषयमा कुराकानी जोडेको छ ।
डिप्रेसनको सिकार बनेका माग्नेको अनुरोधमा खाना खाने क्रममा नै हामीले कुराकानी जोडेका छौं । धेरै बोल्न नमिल्ने बताउने उनले आफ्नो स्वास्थ्यमा क्रमिक सुधार भैरहेको बताए ।
नजिकका साथीभाईले आफूलाई साथ दिईरहेको र बारम्वार आफ्नो स्वास्थ्य स्थितिको बारेमा बुझ्न सम्पर्क समेत गरिरहेको बताए । यस्तै उनले जनताले तिरेको करबाट आफूले उपचार नगर्ने भन्दै सरकारी सहयोग आवश्यक नभएको बताए ।
केदार घिमिरे 'माग्ने बुढा' सँग फिल्मीखबरकर्मी मदन रिजालले जोडेको कुराकानी भिडियोमा प्रस्तुत गरिएको छ ।
