हिट फिल्म 'पशुपतिप्रसाद' निर्देशक दिपेन्द्र के खनालको नयाँ प्रोजेक्ट 'लभ लभ लभ' को आधिकारिक रिलिज मिति घोषणा भएएको छ । फिल्म बर्ष २०७४ को पहिलो दिन अर्थात आउँदो बैशाख १ गते रिलिज हुनेछ ।
राष्ट्रिय पुरस्कार विजेता निर्देशक खनालको फिल्मको छायाँकन सकिएसँगै अहिले पोष्ट प्रोडक्शनको काम चलिरहेको बताईएको छ ।
नयाँ बर्षमा फिल्म ल्याउन उपयुक्त देखिएकोले अनि फिल्मको सम्पुर्ण काम पनि बिना हतार सकिने भएकोले उक्त मिति रोजिएको निर्देशक खनालले बताए ।
'लभ लभ लभ'मा स्वस्तिमा खड्का, सुरज पाण्डे, रमेश वुढाथोकी, देशभक्त खनाल, रुपा राना, ए गुरुङ, आयन खड्का लगायत अभिनयमा छन् ।
प्रेम कथा बोल्ने फिल्मलाई निरज कंडेलले खिचेका छन् । फिल्मको कथा पनि निर्देशक खनालको नै हो ।
