यो शुक्रबारबाट फिल्म 'झुम्की' प्रदर्शनमा आएको छ । 'छक्का पञ्जा'को होल्ड ओभर धेरै ठाउँमा कायमै रहँदा अपिल विष्ट निर्देशित फिल्म 'झुम्की' प्रदर्शनमा आएको हो ।
सोलो रिलिजको अबसर पाएको फिल्म मल्टिप्लेक्स तथा सिंगल थियटरमा एकसाथ प्रदर्शनमा आएको छ ।
दयाहाङ राई, रिष्मा गुरुङ, मलिना जोशी, मनोज आरसी, भोला सापकोटा, बिजय बराल लगायत अभिनयमा रहेको फिल्मले तराईको थारु समुदायको कथा बोल्छ ।
यसअघि बिहिबार साँझ राजधानीमा आयोजित प्रिमियरमा फिल्मले सुखद प्रतिक्रिया पाएको थियो ।
गोविन्द शाहीले वितरणको जिम्मा लिएको फिल्मलाई दर्शकले साथ दिने अपेक्षामा निर्माण युनिट छ ।