फिल्म कलाकारको कारण तयार हुन्छ । मुख्य मेरुदण्ड कलााकर नै हुन्छन् । तर सम्बन्धित फिल्मको प्रचारमा आफ्नै कलाकार आएनन् भने निर्माण युनिटलाई कस्तो होला ? यस्तै भएको छ फिल्म 'तँ म र उ' युनिटलाई ।
बुधबार राजधानीमा प्रदर्शन मिति घोषणा गर्न तथा प्रचार सामग्री सार्वजनिक गर्न फिल्म युनिटले पत्रकार सम्मेलन आयोजना गरेको थियो । जहाँ लिड कलााकर आमेश भण्डारी र नीता ढुङ्गाना नै अनुपस्थित रहे । अनि निर्देशक लक्षु गौतमले दुबैलाई लक्षित गरेर आक्रोश पोखिन् ।
'फिल्म खेलिसकेपछि तय्सको प्रमोशनमा हिँड्नु कलाकारको दायित्व हो, आफ्नो फिल्मलाई समय नदिनु कार्यक्रममा नआउनु कति जायज हो तपाईहरु नै मुल्यांकन गर्नुस्', आक्रोसित मुद्रामा निर्देशक गौतमले भनिन् ।
तर पुर्व प्रेम जोडी नीता र आमेश भने सकेसम्म यो फिल्म रिलिज नै नहोस् भन्ने सोचमा रहेको उनिहरु निकट श्रोत बताउँछ । त्यसैले यो कुरालाई आधार मान्ने हो भने उनिहरु मंसिर १७ लाई तोकिएको रिलिज मितिको आसपास कुनै पनि समयमा प्रचारमा नदेखिने अनुमान लगाउन सकिन्छ ।
त्यसो र दुई बर्ष पहिले जस्तो बनेको यो फिल्मको छायाँकनको दौरान नै अभिनेत्री नीता र हिरो बनि नसकेका आमेशबीच प्रेम सुरु भएको चर्चा एक समय थियो । तर अहिले बेग्लै भईसकेका दुबै जना पुरानो घाउ नबल्झियोस भनेर पनि एकसाथ प्रस्ततु हुने आँट नगरेको अड्कल काट्ने ठाउँ पनि छ ।