दशैंको छेकोमा छबिराज ओझाको फिल्म 'किस्मत २' यसअघि नै रिलिजको लागी तयार छ । यो फिल्मसँग निखिल उप्रेतीको 'किङ' भिड्ने चर्चाका बीच फिल्मको रिलिज सरेसँगै अब जीचन लुईंटेलको फिल्म आउने पक्का भएको छ । फिल्म 'सुब्बा साब'ले प्रदर्शनको मिति असोज २१ लाई तय गरेको हो ।
राजु अधिकारीको निर्देशनमा तयार 'सुब्बा साब'मा जीवन सुब्बा बनेर आउँदै गर्दा उनीसँगै पर्दामा गौरी मल्ल, सरोज खनाल, वर्षा शिवाकोटी, जान्वी बस्नेत आउनेछन् । महिमा सिलवाल, दिपक ढकाल, अर्जुन गौतम पनि फिल्मका लिड कलाकार हुन् ।
पारिवारिक कथामा निर्माण ‘सुब्बा साब’ निजामति कर्मचारी सुब्बाको इमान्दरिता र राष्ट्रसेवासँगै सन्तानप्रतिको माया र दायित्वको मुख्य कथा हो । फिल्मलाई जीवन अर्याल र रामबहादुर कोइरीले निर्माण गरेका हुन् ।
मौनता श्रेष्ठको पटकथा, हिरामणि न्यौपानेको कथा तथा संगीत र पवन गौतमको छायांकन रहेको ‘सुब्बा साब’ तराइ भेगमा बढि गरिएको थियो । फिल्मलाई आर आर फिल्म्स ले वितरणको जिम्मा लिएको हो ।
