अभिनेता अनुपविक्रम शाही र अभिनेत्री तथा पुर्व मिस नेपाल मलिना जोशीको सम्बन्धमा ब्रेकअप र पारपाचुकेको हल्ला मिडियामा अनेक समय गसिप बन्यो । तर पछिल्लो समय यो जोडी पुनः सँगसँगै छ । रियलका प्रेमी प्रेमीका अनुप र मलिनाले अब पर्दामा पनि सँगसँगै रोमान्स गर्ने पक्का भएको छ ।
दयाराम दाहालले निर्देशन गर्ने फिल्म 'रानी'मा यो जोडी एकसाथ देखिने पक्का भएको हो । राजधानीमा आयोजित एक कार्यक्रमका बीच फिल्म निर्माणको घोषणा सहित कलाकार सार्वजनिक गरियो ।
बिमल मान गुभाजुको लगानी रहने फिल्ममा अनुपविक्रम र मलिनासँगसँगै मनिष श्रेष्ठ्, सौरक ताम्रकार लगायतका कलाकारको अभिनय रहने छ ।
फिल्मलाई जोमसोम, काठमाडौं लगायतका ठाउँमा खिचिने बताईएको छ । 'रानी'मा सँंगीत अर्जुन पोख्रेल,विजय घिमिरे र दयाराम दहालको सङ्गित रहने छ ।
