नेपाली फिल्मी पर्दाको सफल जोडी आर्यन सिग्देल र नम्रता श्रेष्ठ आठ बर्षपछि म्युजिक भिडियोमा सँगसँगै फर्केका छन् । विकास सुवेदीको निर्देशनमा बनेको भिडियोमा आर्यन र नम्रता फिचरिङमा छन् ।
पछिल्लो फिल्म 'क्लासिक'को दृष्टिविहिनको कथामा फिट बनेको यो जोडी म्युजिक भिडियोमा पनि फिट देखिएको छ । भिडियोमा आर्यनलाई एक अशक्त युवाको अबतारमा देख्नसकिन्छ ।
सुनिल गिरीको स्वर तथा जगदिश तिमल्सिनाको शब्द समावेश गीतमा संगीत पनि सुनिलकै छ । भिडियोलाई अनिल मानन्धरले खिचेका हुन् ।
