दिपाश्री निरौलाको डेब्यू निर्देशन रहेको फिल्म 'छक्का पञ्जा' दुई दिनमै करोड क्लबमा प्रवेश गरेको छ । पहिलो दिन ३२ लाखको विजनेस गरेको फिल्मले दोश्रो दिन मात्रै ९० लाख बढिको विजनेस गरेको हो ।
शनिबार प्रायः सबैजसो हलमा हाउसफुल विजनेस गरेको फिल्मले राजधानीबाट मात्रै ५० लाख बढिको विजनेस गरकेो थियो । फिल्मलाई मोफसलका दर्शकले पनि उत्तिकै रुचाएका छन् ।
माउथ पब्लिसिटी उच्च भएका कारण फिल्मले आईतबार पनि राम्रो विजनेस गरेको छ । आईतबारको पुर्णतः विजनेस रिपोर्ट प्राप्त छैन् । तर मल्टिप्लेक्समा फिल्मप्रति दर्शकको चाप बिदाको दिन नपर्दा पनि तुलनात्मक रुपमा उच्च छ ।
'छक्का पञ्जा'मा दिपकराज गिरी, प्रियंका कार्की, केदार घिमिरे, बर्षा राउत, नम्रता सापकोटा, शिवहरी पौड्याल, जितु नेपाल, बुद्धि तामाङ लगायत अभिनयमा छन् । यो टिमले यसअघि नै बनाएका दुई फिल्म बक्सअफिसमा हिट लिस्टमा छन् ।
