नेपाली वक्सअफिसमा सुखद विजनेसलाई निन्तरता दिईरहेको मिलन चाम्स निर्देशित फिल्म 'वीर विक्रम'को अष्ट्रेलिया रिलिजमा अभिनेता दायाहाङ राई अष्ट्रेलिया जाने भएका छन् । दया त्यहाँ हुने विभिन्न शो मा सहभागी हुनेछन् ।
सेप्टेम्बे १३ मा दयाहाङ अष्ट्रेलिया प्रस्थान गर्ने निर्माण टिमले बताएको छ । नमस्ते ईन्टरटेन्मेन्टले अष्ट्रेलिया प्रदर्शनको लागी 'वीर विक्रम' आफ्नो कब्जामा लिएको हो ।
सेप्टेम्बर १६, १७ र १८ मा सिड्नीमा हुने फिल्मको स्कृनिङमा दयाहाङले भाग लिनेछन् ।
सामाजिक कथाको फिल्मले करोड वढिको बिजनेस नेपाली बक्सअफिसमा गरिसकेको निर्माण टिमको दाबी छ ।
फिल्ममा दयाहाङसँगै अनुपविक्रम शाही, दिया पुनः, अर्पण थापा, नाजिर हुसैन लिड रोलमा छन् ।